Beth sy’n digwydd pan fydd grŵp o ferched yn dod at ei gilydd i sgwennu am y profiad o fynd yn hŷn? Ateb y cwestiwn hwnnw fydd wrth galon noson arbennig yn Tŷ Siamas, wrth i griw gweithdy ysgrifennu creadigol Theatr Bara Caws gyflwyno ffrwyth eu llafur i gynulleidfa fyw!

Bydd y noson berfformio yn gyfle i glywed straeon newydd sy’n llawn hiwmor, doethineb a gonestrwydd – straeon sy’n adlewyrchu llawenydd, heriau a rhyfeddodau bywyd wrth i’r blynyddoedd wibio heibio.

Mae’r prosiect yn dathlu grym creadigrwydd, llais a phrofiad, gan roi llwyfan i ferched rannu eu geiriau mewn ffordd ddwys a hynod ddoniol!

Dewch i gael eich diddanu, eich cyffwrdd a’ch ysbrydoli. Noson unigryw. Peidiwch â’i cholli!